Siglir tar il cuntegn

Header

Navigaziun

cuntegn

Svizra Chattar vias ord la crisa da latg

La situaziun dal martgà da latg è difficila, ils pretschs sut squitsch e blers manaschis da producziun da latg èn periclitads en lur existenza. Ord quest motiv vulan l’Uniun purila svizra, ils Producents da latg svizzers e l’Organisaziun da branscha latg organisar in inscunter da latg.

Gia dapi in onn sa chatta il matgà da latg svizzer en ina crisa.
Legenda: Gia dapi in onn sa chatta il matgà da latg svizzer en ina crisa. Keystone

Communablamain vulan l’Uniun purila svizra, ils Producents da latg svizzers e l’Organisaziun da branscha latg reagir sin la situaziun difficila al martgà da latg e al martgà da latg da chaschar. Ils pretschs sajan immens sut squitsch e blers producents da latg sajan periclitads en lur existenza.

Ina «maisa rodunda da latg»

Uss envidan las trais uniuns tut ils pertutgads communablamain cun la politica ad ina maisa radunda cun il titel «Zukunft Milchland Schweiz – Wege aus der Krise».

L’inscunter duai aviar lieu ils 27 da matg a Berna. Là duai vegnir chattà soluziuns per manar la branscha ord la crisa, scrivan las trais uniuns a las medias. Envidads èn manaders da la branscha, represchentants da politica e da l’administraziun.

RR novitads 20:00