Siglir tar il cuntegn

Header

audio
Acziun «Wir machen mit» – chattà nagina ustaria a Cuira
Or da Actualitad dals 11.01.2021.
laschar ir. Durada: 4 minutas 13 Secundas.
cuntegn

Chattà nagina ustaria a Cuira «Wir machen auf» – Avrir malgrà scumond

Sut il motto «Wir machen auf» han passa 300 commerziants en Svizra fatg resistenza cunter las mesiras da corona ed avert las portas da lur manaschi. A Cuira n'ha RTR chattà nagina ustaria che fiss sa participada a l'acziun illegala.

L'acziun ha ses origin en Germania nua che betg sulet ustarias, mabain er butias èn serradas il mument. Ils iniziants paran d'avair avunda da las mesiras da corona, na vulan betg pli desister da lur svieuta e vulan perquai puspè avrir las portas. Quel moviment ha er chattà via en auter pajais. Entant datti er gruppaziuns en la Pologna, ils Pajais Bass, l'Austria e la Svizra.

Organisaziun via medias socialas

En Svizra datti ina pagina d'internet aposta per l'acziun. Quella cuntegn infurmaziuns dubiusas e falladas en connex cun il coronavirus. Sin quella pon interpresas che participeschan a l'acziun sa registrar. Sch'ins crai a la glista publitgada sin la pagina, lura fan a Cuira duas ustarias u bars part a l'acziun «Wir machen auf» – precis tgeninas na vegnan ins però betg a savair. Il medem mument fiss quai er las sulettas duas ustarias per l'entir chantun.

Sco i ha num sin la pagina communitgeschan ils nunconformists er via Telegram. I sa tracta d'ina plattafurma sociala che vegn tranter auter duvrada stediamain da adversaris da corona.

Chattà nagin'ustaria participanta a Cuira

I na dat nagina glista cun nums da ustarias u bars che participeschan a l'acziun. Er la polizia da la citad da Cuira na sa betg nua. Dentant veglia quella tegnair avert ils egls ed intervegnir sche necessari, sco i ha gì num sin dumonda da RTR.

Gastrosuisse sa distanziescha

Gia l'emna passada è l'associaziun professiunala Gastrosuisse sa distanziada da l'acziun «Wir machen auf». Er tenor il president da Gastro Grischun Franz Sepp Caluori n'èsi uss betg il mument per talas acziuns, sco el ha ditg en ina intervista cun la «Suedostschweiz».

RTR Novitads 10:00

Artitgels legids il pli savens