Siglir tar il cuntegn
Inhalt

Svizra Chattà mort il pilot dal PC-7

Il pilot da l'eroplan militar PC-7 da l'armada svizra è vegnì chattà. El è mort tar la crudada da l'eroplan pitschen. La bara dal pilot n'hajan ins betg anc savì transportar.

culms cun naiv, intgins nivel e tschiel blau
Legenda: La regiun da crudada al Schreckhorn, en las Alps bernaisas. Keystone

Il departament federal da defensiun ha communitgà ch'il pilot saja vegnì chattà ed identifitgà datiers dal lieu da crudada al Schreckhorn en las Alps Bernaisas.Anc uss n'hajan ins dentant betg anc savì transportar la bara sco er la tocca da l'aviun. Quellas lavurs savessian anc cuzzar pli ditg.

La famiglia dal pilot saja infurmada ed il CARE-team da l'armada stettia a disposiziun. L'aviun PC-7 è partì l'avantmezdi da Payerne en direcziun Locarno. Là n'è el mai arrivà. Pli tard han ins chattà l'eroplan al Schreckhorn.

RR novitads 23:00+