Siglir tar il cuntegn
Inhalt

Svizra Chattà in med cunter l’arsira da plantas

Ils perscrutaders da l'ETH a Turitg han chattà in nov med cunter l'arsira da plantas. Els han preschentà virus che cumbattan e destrueschan la bacteria da l'arsira da plantas.

Ils perscrutaders da l'ETH Turitg han chattà in virus cunter l'arsira da plantas.
Legenda: Ils perscrutaders da l'ETH Turitg han chattà in virus cunter l'arsira da plantas. Keystone

Sco la Scola politecnica federala (ETH) ha communitgà hajan ils perscrutaders cumbinà las abilitads da dus inimis natirals da la bacteria da l'arsira da plantas. Il virus nov cumbinescha las abilitads dals dus inimis existents a moda effectiva, uschia che l’arsira da plantas po vegnir cumbinada a moda effectiva.

L'arsira da plantas è fitg contagiusa

Ils purs da puma ston controllar regularmain lur plantas. Ils scienziads han uss era sviluppà in test da diagnosa cun il qual il virus da l’arsira da plantas po vegnir constatà pli effectiv, pli svelt e pli precis, scriva l’ETH.

Plantas pertutgadas ston vegnir pinadas e brischadas. Avant curt hai dà in cas a Zezras nua che pliras 100 plantas han stuì vegnir runcadas e brischadas.

RR novitads 16:00