Siglir tar il cuntegn
Inhalt

Svizra Chattà bara sut lavina

En il Vallais han forzas da salvament chattà suenter plirs dis da tschertga la bara d'in um sut ina cuverta da naiv.

Ina lavina e sura ves'ins forzas da salvament.
Legenda: Maletg simbolic: Forzas da salvament han chattà ina bara sut ina lavina en il Vallais. Keystone

Duas emnas suenter ch'ina lavina è ida giu sur Zermatt han gruppas da salvament chattà en la naiv la bara d'in um. Quel era ils 24 da mars sin ina senda da spassegiar, cura ch'el è vegnì surprendì da la lavina. Quai communitgescha la Polizia chantunala dal Vallais.

En ina emprima tschertga n'avev'ins betg chattà u localisà il sepulì e cunquai ch'i n'aveva dà nagina annunzia da spariziun, avevan ins betg tschertgà vinavant. In'emna pli tard è arrivada in'annunzia da spariziun. Sin quai han las forzas d'intervenziun cuntinuà cun la tschertga. Suenter plir dis han els chattà il venderdi vers mezdi la bara da l'um sparì – sut in cuverta da naiv d'in mez meter. La Procura publica dal chantun Vallais intercurescha il cas.

RR novitads 09:00