Ils 3 da schaner hajan guardia-cunfins controllà in tren che vegn da l'Austria e maina sur la staziun da Buchs, en Son Gagl. Tar ina controlla han ils guardia-cunfins lura chattà pliras armas scumandadas tar in svizzer da 23 onns. La persuna che ha purtà las armas e las armas sezzas sajan vegnidas surdadas a la polizia chantunala songagliaisa.
Tranter las armas scumandadas che las guardia-cunfin han chattà sajan er stads stilets, cuntels e stailas da bittar. Damai che quests guaffens èn destinads per blessar persunas, èn els scumandads en Svizra. Els dastgan mo vegnir cumprads cun ina lubientscha chantunala speziala.
RR novitads 09:00