Siglir tar il cuntegn
Inhalt

Svizra Chastis pli severs per delicts cunter policists

Tar violenza u smanatscha envers policists ston ins en futur quintar cun chastis pli severs.

Policist.
Legenda: L'onn passà hai per l'emprima giada dà dapli che 3'000 delicts envers policists. Keystone

L'uniun svizra per policists pretenda che tgi che smanatscha u saja violent envers policists survegnia en futur chastis pli severs. Las leschas dal cudesch da dretg penal na sajan betg pli contemporanas.

L'onn passà è stà l'emprim onn ch'i ha dà pli che 3'000 delicts en quest connex. Quai paria dentant d'interessar nagin, ha il secretari general da l'uniun Max Hofmann scrit. Las propostas dal Cussegl federal per armonisar ed augmentar ils chastis na tanschian betg. Uss speran ils policists sin il parlament a Berna.

RR novitads 14:00