Siglir tar il cuntegn
cuntegn

Svizra Chastis na dastgan betg vegnir tratgs giu da la taglia

Il Cussegl dals chantuns na vul betg far ina differenza tranter chastis per interpresas en l'exteriur ni en Svizra.

Entrada dal Cussegl dals chantuns.
Legenda: Sco emprim cussegl ha la chombra pitschna decidì en chaussa chastis per interpresas. Keystone

Interpresas svizras na duain betg dastgar trair giu da la taglia chastis ch’ellas han survegnì en l’exteriur. Quai ha il Cussegl dals chantuns decidì cun ina clera maioritad da 28 cunter 12 vuschs. El suonda uschia la proposta dal Cussegl federal.

Ina maioritad da la cumissiun leva lubir a las interpresas Svizras da trair giu da la taglia ils chastis sche quels èn ordinads dad in’autoritad da l’exteriur. Bleras da quellas decisiuns hajan in aspect politic u hajan da far cun corrupziun.

Ils adversaris dad ina excepziun per chastis da l’exteriur han argumentà ch'ina differenza saja grev da giustifitgar e ch’i valia da tractar medem las interpresas.

Sco proxim tracta il Cussegl naziunal la fatschenta.

RR novitads 12:00