Siglir tar il cuntegn

Header

cuntegn

Svizra Chastiar delicts da bagatella a moda pli simpla

En il futur na duain betg mo delinquents da traffic pajar multas disciplinaras. Er auters pitschens delicts duain vegnir chastiads a questa moda e maniera. Il Cussegl dals chantuns ha approvà ina revisiun da la lescha da multas disciplinaras cun 35 cunter 0 vuschs.

Tenor la proposta dal Cussegl federal duain delicts da bagatella vegnir sancziunads simplamain ed al lieu.

Reducir custs da birocrazia e distgargiar giustia

Cun la revisiun da la lescha vul il Cussegl dals chantuns distgargiar la giustia. Oz procuran millis pli pitschens delicts per blera lavur birocratica. Per reducir quella lavur birocratica han ils chantuns e las vischnancas gia dapi in temp introducì chastis.

Tenor Stefan Engler - il president da la cumissiun da dretg e cusseglier dals chantuns dal Grischun- saja la fatschenta da beneventar. Ins possia reducir birocrazia ed ils pertutgads possian spargnar custs da proceduras.

La fatschenta va uss per mauns dal Cussegl naziunal.

RR novitads 17:00

Artitgels legids il pli savens