Siglir tar il cuntegn
Inhalt

Svizra Chasas edituras extendan lur derasaziun

Las chasas edituras en Svizra han pudì augmentar ils ultims sis mais lur derasaziun. Entant ch'il dumber da lecturas e lecturs da las medias stampadas resta stabil vegnan adina pli popularas las purschidas digitalas da las chasas edituras.

regal cun ina collecziun da diversas gasettas quotidianas svizras
Legenda: Il dumber da lecturas e lecturs dals meds stampads resta stabil. Keystone

Quai ha la gruppa da lavur per la perscrutaziun da las medias WEMF communitgà. La derasaziun generala dals meds stampads è restada sin aut nivel (dapi l'atun sin 94%). Da la derasaziun generala èn dus terzs ils meds stampads, in terz èn nizzegiaders online, uschia scriva WEMF.

Gasettas digitalas èn pli e pli popularas

Il dumber da lecturas e lecturs che nizzegian las purschidas en la rait s'augmenta incuntin. Augmentà marcantamain il dumber da lecturs han questas gasettas ch'èn stadas fin ussa pauc preschentas en la rait. Quai èn gasettas regiunalas (p.ex. «St. Galler Tagblatt» u «Luzerner Zeitung») sco era la pressa da finanzas e d'economia.

Il med il pli popular è vinavant «20 Minuten» cun 3,2 milliuns lecturas e lecturs en la Svizra tudestga, franzosa e taliana. Da quai legian 1,9 milliuns persunas l'ediziun stampada ed 1,3 milliuns l'ediziun online. Sin plazza dus è il «Blick» cun 1,2 miliuns lecturas e lecturs.

RR novitads 06:00