Siglir tar il cuntegn
Inhalt

Svizra Charles Vögele cun perdita e damain svieuta

Enstagl dad in gudogn resulta er l'onn da fatschenta 2015 ina perdita per il concern da moda svizzer.

Bajetg da Charles Vögele.
Legenda: Il concern da moda ha scrit cifras cotschnas ils ultims onns. Keystone

Il commerciant da moda Charles Vögele serra ina giada dapli l'onn da fatschenta cun cifras stgir cotschnas.Il 2015 ha il concern stuì nudar ina perdita da 62 milliuns francs. L'onn avant ha el anc fatg ina perdita dad 11 miliuns francs.

Il deficit saja d'ina vart d'attribuir a l'aboliziun dal curs minimal da l'euro, da l'autra vart però er al squitsch dals pretschs en Svizra. Plinavant er a l’atun passà che saja stà bler memia chaud, argumentescha Vögele. Er la svieuta è danovamain sa reducida: Quai per 11% sin 803 milliuns francs.

Perquai che las bancas hajan prolungà ils credits en autezza da maximalmain 245 milliuns francs saja la finanziaziun segirada per ils proxims dus onns. Uschia possia il concern cuntinuar cun sias mesiras da restructuraziun, ha communitgà Vögele vinavant.

RR novitads 08:00