Chantuns vulan stritgar sustegn per sanaziuns d'edifizis

Ils chantuns smanatschan da betg pli sustegnair finanzialmain sanaziuns d'edifizis.

Ina fanestra averta cun 5 chapellinas da lavurers sin il curnisch

Legenda da maletgs: Ils chantuns smanatschan da betg pli sustegnair sanaziuns d'edifizis Keystone

La raschun èn novas deducziuns da taglia ch'il Cussegl naziunal ha integrà en la strategia per l'energia. Ils directurs da finanzas chantunals appelleschan al Cussegl naziunal da puspè stritgar quai.

En la sessiun da primavaira discuta il Cussegl naziunal danovamain davart l'emprim pachet da mesiras da la strategia d'energia 2050. In dals puncts dispitaivels è la promoziun fiscala da las sanaziuns d'edifizis. Tenor ils directurs da finanzas manassan las mesiras fiscalas ad ina promoziun dubla perquai ch'ils chantuns sustegnan gia las sanaziuns d'edifizis.

RR novitads 16:00