Siglir tar il cuntegn
Inhalt

Svizra Chantuns duain armonisar linguas en scola primara

La cumissiun da furmaziun dal Cussegl dals chantuns quinta cun ils chantuns en la dispita da las linguas estras. En questa dumonda na veglia ella betg sa maschadar en la suveranitad dals chantuns, communitgescha la cumissiun.

In scolar en scola.
Legenda: Il Cussegl federal sa retegna en la dispita, pretenda però dals chantuns d'armonisar las linguas en scola primara. Keystone

Perquai ha la cumissiun da furmaziun dal Cussegl dals chantuns refusà 2 iniziativas parlamentaras da la cumissiun equivalenta dal Cussegl naziunal.

Segunda lingua naziunala en scola primara

La cumissun da furmaziun dal Cussegl naziunal vul francar en la lescha da linguas che l'instrucziun en in segunda lingua naziunala ha da cumenzar il pli tard 2 onns avant la fin da la scola primara. Vitiers pretenda in'iniziativa era che l'emprima lingua estra stoppia esser ina lingua naziunala.

Ils chantuns èn obligads d'armonisar

La cumissiun dal Cussegl dals chantuns na vesa perquai nagina raschun d’agir. Ella saja però pronta da discutar la dumonda da las linguas estras danovamain, sche ulteriurs chantuns na suondian betg a las prescripziuns d'armonisaziun.

RR novitads 06:00