Chantuns da domicil han da pajar ils custs da tgira

Persunas che van oz en chasa da tgira survegnan ina part fixa dals custs pajada da la cassa da malsauns ina cumpart surpiglia il pazient sez. Ils custs restants duajan en l’avegnir il chantun da domicil surpigliar, quai vul il Cussegl federal ed ha instradà ina midada da la lescha correspundenta.

Duas persunas che van.

Legenda da maletgs: Era prestaziuns ambulantas en in auter chantun che quel da domicil duai il chantun da domicil surpigliar. Keystone

Oz valan differentas regulaziuns. La gronda part dals chantuns da domicil surpiglian ils custs er sch'in pazient va en ina chasa da tgira ordaifer il chantun. Auters chantuns vulan ch’ils custs restants vegnan surpigliads dal chantun nua che la chasa da tgira sa chatta. Era duajan ils custs per la tgira ambulanta en in auter chantun, surpigliar ils chantuns da domicil.

La coordinaziun vegn megliurada

Cun ina regulaziun pli clera po era vegnir evità che chantuns cun bleras chasas da tgira èn dischavantagiads finanzialmain. Era possia uschia ina planisaziun surchantunala da chasas da tgira vegnir instradada, scriva il Cussegl federal.

Uss sto il parlament decider davart la planisada midada da lescha.

RR novitads 12:00