Siglir tar il cuntegn

Header

cuntegn

Svizra Chantun Vad scumonda «conferenza al naziunalissem»

La regenza dal chantun Vad ha scumandà ina conferenza per il naziunalissem planisada per la fin d’emna. Quai pervi da privels per l’urden public. Il scumond vala per l’entir chantun, scriva la regenza dal chantun Vad. Il scumond resta era sche l’occurrenza vegn spustada.

La conferenza era planisada per la sonda en il conturn da Losanna, l’exact lieu n’era betg conuschents. Era ina band da rock da l’extrema dretga dueva sunar. Sco pledader era previs il president da la partida PNOS.

Pliras partidas sanestras aveva gia clamà a cunterdemonstraziuns. Questas crodan dentant ussa perquai ch'il scumond è vegnì en funcziun. Las partidas èn dentant cuntentas che la regenza haja reagì.

RR novitads 18:00

Artitgels legids il pli savens