En il chantun Turitg èn vias e chasas vegnidas inundadas ier saira. Plirs dutgs èn ids suror e plantas èn crudadas enturn, uschia communitgeschan las forzas da salvament da Turitg. Blessads n'hai dà nagins. A l'eroport a Kloten era durant ina mes'ura tut bloccà, ha confermà in pledader da l'eroport. Pervia dal privel da chametgs, n'hajan ni ils passagiers, ni il persunal pudì s'avischinar als aviuns. En duas vischnancas da Turitg è plinavant l'aua da baiver vegnida tschufragnada.
Plinavant scriva SRF Meteo che bun 37'000 chametgs sajan vegnids registrads la mesemna saira en Svizra. Ils pli blers da quels en la Svizra Orientala.
RR novitads 06:00