Siglir tar il cuntegn

Header

cuntegn

Certificat en pendicularas Caduff: «Obligatori be senza autras restricziuns»

Sch'i dovra in certificat per las pendicularas quest'enviern, vegn discutà actualmain tranter chantuns, Confederaziun e la branscha. Ina decisiun na saja dentant anc betg crudada, conferma il minister d'economia dal Grischun Marcus Caduff sin dumonda dad RTR. Sch'ins giaja da quai anora ch'ins stoppia avair in certificat per las pendicularas, dastgia quai però dar naginas autras restricziuns. P. ex. naginas mascras u nagina limitaziun da capacitad. Il mument sajan ins però vid examinar pliras variantas.

audio
Marcus Caduff davart in obligatori da certificat en pendicularas
00:16 min, RTR Audio dals 14.09.2021.
laschar ir. Durada: 00:16 minutas.

Cunzunt la damonda sche las pendicularas tutgian tar il traffic public u betg, saja anc da sclerir. L'emna passada durant la conferenza da medias dal Cussegl federal, aveva quai gì num sin dumonda dad RTR ch'i valia per pendicularas las medemas reglas sco per il traffic public. En general quinta Marcus Caduff dentant cun pli paucas restricziuns per la stagiun d'enviern – cunquai che adina dapli persunas èn vaccinadas cunter Covid-19.

In obligatori giustifitgabel

Lukas Engelberger, president da las directuras e directurs da sanadad chantunals, pretenda in obligatori da certificat per territoris da skis. En in’ intervista cun la «Sonntagszeitung», di Engelbeger che ir cun skis e vacanzas d’enviern fetschian ins voluntarmain e per sa divertir. Qua saja in obligatori da certificat giustifitgabel.

La gronda part dals giasts d'enviern vegnan oramai ad avair in certificat
Autur: Lukas Engelberger president GDK

Plinavant saja per las sportistas e sportists d’enviern pli agreabel sch’els na stoppian betg adina purtar ina mascrina. Er possian las pendicularas uschia utilisar meglier lur capacitads.

RTR novitads 09:00 / 17:00

Artitgels legids il pli savens

Scrollar a sanestra Scrollar a dretga