CEO Andsjö banduna «Salt» - per immediat

En la branscha da telecommunicaziun en Svizra vegni tar ina midada tar ils schefs. Per immediat bandunan il directur ed il president dal Cussegl d'administraziun la «Salt».

johan andsjö

Legenda da maletgs: Suenter 3 onns a la testa dad «Orange» e la midada dal num a «Salt» banduna Johan Andsjö la firma per immediat. Keystone

CEO va per immediat...

Tgi che succeda ad Andsjö n'è betg anc enconuschent, communitgescha «Salt». L’interpresa tschertgia uss ina successura ni in successur. Ad interim surpiglia Pierre Alain Allemand las fatschentas.

President dal cussegl d'administraziun va era...

Il svedais Johan Andsjö aveva surpiglià la direcziun da l'interpresa "Orange" l'october 2012. Quai sco successur da Thomas Sieber. Lez era lura vegnì en il cussegl d'administraziun sco president. Era el banduna la "Salt". Era qua è la firma anc a la tschertga.

RR novitads 12:00