Sche policists vegnian duvrads en centers federals per requirents d’asil, stuess er il dumber da policists en ils chantuns vegnir augmentà. Quai ha communitgà la Conferenza dals cumandants da las polizias chantunalas da la Svizra sin dumonda da l’agentura da novitads Keystone-SDA.
In rapport davart la violenza en centers federals per requirents e requirentas d’asil propona d’occupar posiziuns-clav en ils centers cun policistas e policists enstagl – sco fin uss – cun emploiads ed emploiadas da firmas da segirezza privatas. Il rapport extern concluda ch’ils dretgs dals requirents d’asil na sajan betg vegnids violads sistematicamain. En singuls cas hajan ils servetschs da segirezza dentant reagì a moda exagerada.