Dapi 10 mais emprova la confederaziun proceders accelerads en in center d'asil a Turitg. Las finamiras sajan vegnidas cuntanschidas, scriva l'uffizi federal da migraziun.
Cun ils proceders spargnan ins en media 30 % dal temp. Grazia ad ina meglra protecziun giuridica saja er la qualitad da las decisiuns pli auta. Quai mussan ils paucs recurs cunter las decisiuns, be 15 %. Normalmain sajan quai passa 20 % recurs. L'emprova en il center d'asil a Turitg dura anc enfin settember 2015.
RR novitads 17:00