Siglir tar il cuntegn

Svizra Cassis è arrivà en la China

Ignazio Cassis, è il glindesdi arrivà a Peking per sia visita da 3 dis. El è s'inscuntrà cun emigrants svizzers e cun divers represchentants d'interpresas e d'auters secturs.

Ignazio Cassis.
Legenda: Er las schanzas economicas d'ina nova via da Saida duain vegnir discutadas. Keystone

Il minister da l'exteriur Ignazio Cassis è arrivà il glindesdi Pasca a Peking, nua ch'el vegn a passentar ils proxims trais dis. Là è Cassis tenor ses departament s'inscuntrà cun Svizzers da l'exteriur e cun il president da la banca d'investiziun per infrastructura.

Ì a fin è l'emprim di da Cassis a Peking vid ina maisa radunda cun represchentants d'interpresas da la Svizra e da la China e lura er cun ina tschaina cun represchentants da l'universitad e dal sectur cultural.

Inscunter cun ses collega d'uffizi

Il mardi vegn Cassis lura a s'inscuntrar cun ses collega d'uffizi chinais Wang Yi. In tema central da l'inscunter vegn ad esser la collavuraziun dals dus pajais en connex realisaziun da las finamiras da persistenta 2030 ed las schanzas economicas d'in project d'ina nova via da Saida.

Dapi che Cassis è en uffizi è quai ses emprim viadi uffizial ordaifer l'Europa.

RR novitads 16:00