Siglir tar il cuntegn
Inhalt

Svizra Cassis crititgescha l'Uniun europeica

Cusseglier federal Ignazio Cassis ha crititgà l'Uniun europeica perquai ch'ella vul renconuscher la regulaziun da las bursas svizras be per in onn. Cassis è plinavant sa lamentà davart la glista grischa d'oasas da taglia tier il minister da l'exteriur franzos Jean-Yves Le Drian.

Ignazio Cassis e ses collega d'uffizi franzos Yves Le Drian durant l'inscunter a Paris.
Legenda: Ignazio Cassis ha indirectamain mess en dumonda la milliarda da coesiun per l'UE, quai durant l'inscunter cun ses collega d'uffizi franzos Yves Le Drian. Keystone

La tenuta da la Svizra saja clera. Ins spetgia che l'UE renconuschia las bursas svizras, e quai sin il pli tard ils da schaner, uschia Cassis durant ina conferenza da medias suenter in inscunter cun ses collega d'uffizi franzos Jean-Yves Le Drian. Na capitia quai betg, na sclaudia el betg che la Svizra pudess anc ina giada reponderar sia decisiun da pajar ina ulteriura milliarda da coesiun, il link avra en ina nova fanestra a l'UE.

Jau hai exprimì mia malcuntentientscha davart il svilup en quest dossier.
Autur: Ignazio Cassisminister da l'exteriur

Le Drian haja mussà chapientscha per la posiziun da la Svizra. Tar l'inscunter ha Cassis er exprimì l'irritaziun da la Svizra, ch'ins saja vegnì mess sin ina glista grischa da l'UE per oasas da taglia, e quai senza ch'ins saja vegnì infurmà ordavant.

RR novitads 18:00