Siglir tar il cuntegn
cuntegn

Svizra Cassis appellescha a dapli optimissem en la politica

Fertant che Cassis giavischa dapli optimissem ha la presidenta da la PLD Petra Gössi appellà als delegads da far frunt a la sanestra.

Petra Gössi ed Ignazio Cassis a la radunanza da delegads da la PLD ad Engelberg.
Legenda: Petra Gössi ed Ignazio Cassis a la radunanza da delegads da la PLD ad Engelberg. Keystone

La presidenta da la PLD, Petra Gössi, ha ditg a la radunanza da delegads da la PLD ad Engelberg che la libertad na dastgia betg vegnir restrenschida. Ella ha appellà als delegads da far frunt a la sanestra. La PLD sa mettia en per l’economia e per in stadi sanadaivel. Tgi che pondereschia liberal pondereschia social.

Optimissem entagl da pessimissem

Pessimissem e tema da far sbagls, mainian a bloccadas. Quai ha ditg Ignazio Cassis ditg avant ils delegads. Sco exempel ha el numnà la digitalisaziun: I saja meglier da discurrer da schanzas. Quai è stà ses emprim pled davant ils delegads da sia partida suenter sia elecziun sco cusseglier federal. Cassis entra en uffizi a partir dal prim da november. L’Assamblea federala aveva elegì el sco successur da Didier Burkhalter che sa retira suenter otg onns en uffizi.

Didier Burkhalter di adia.
Legenda: Didier Burkhalter di adia. Keystone

Didier Burkhalter ha tegnì ses davos pled sco cusseglier federal en uffizi. El ha fatg in appel da restar mudest, quai saja la basa per ina politica da success. Suenter ha la partida PLD prendì cumià da lur cusseglier federal Didier Burkhalter. El ch^è anc 10 dis en uffizi.

RR novitads 14:00