Cassas da pensiun ston ir vida las reservas

Las cassas da pensiun svizras han fatg l'onn passà ina rendita da 0,7%. quai saja damain ch'il tschains minimal che las cassas stoppian scriver da bun a ses assicurads, communitgescha l'associaziun da las cassas da pensiun ASIP.

Ina tavla cun scrit.

Legenda da maletgs: Las cassas da pensiun dattan adina puspè da discutar. Keystone

Bleras cassas hajan perquai stuì ir vi da las reservas. Sco raschun per il resultat magher da las bleras cassas da pensiun numna l'associaziun tranter auter ils tschains bass u per part schizunt negativs.

A media vista stoppian uss las cassas da pensiun puspè pudair nudar renditas pli autas. Quai saja necessari per pudair pajar ora las rentas, communitgescha l'associaziun da las cassas da pensiun ASIP. Il mument sajan bleras cassas da pensiun vida examinar d’investir perquai en aczias u er en immobiglias.

RR novitads 16:00