Siglir tar il cuntegn
Inhalt

Svizra Cassas da pensiun: Situaziun lev pegiurada

L'onn 2015 è la sutgaranzia da las cassas da pensiun creschida per 6,8% sin 31 milliardas francs. La facultad totala resta tar 788,1 milliardas francs. Quai mussan las cifras dal uffizi federal da statistica.

Seniors en in tram.
Legenda: L'onn 2015 han bun 730’000 persunas retratg ina renta. Keystone

En tut han las cassas da pensiun dumbrà per la fin dal 2015 bun quatter milliuns assicurads. Bun 730’000 persunas han retratg il 2015 ina renta.

L’onn 2015 èn vegnids pajads ora 21,2 milliardas francs renta da vegliadetgna. Quai èn 2,5% dapli che l’onn avant. La prestaziun da chapital è s’augmentada per 2,9% sin 6,3 milliardas francs. Perquai che damain persunas han fatg diever da questa pussaivladad è la valur media da la retratga da chapital s’augmentada per 9,2% sin 183’568 francs.

RR novitads 12:00