Cassas da malsauns: Premias pli autas che quintà

L'auter onn pudessan las premias crescher en media per 6,5%. Quai stima il portal da cumparegliaziun bonus.ch.

Cassas da malsauns.

Legenda da maletgs: L'emna proxima vegnan las premias per il 2017 communitgadas. Keystone

Il portal sa basa sin retschertgas informalas tar las singulas assicuranzas. Las emprimas prognosas da l’associaziun da la branscha SantéSuisse discurrivan il fanadur anc d'in augment da tranter 4 e 5%. Lura aveva er bonus.ch confermà questas prognosas.

Pervia d'indicaziuns davart ils custs da sanadad che creschan ed indicaziuns finanzialas da tschertas cassas da malsauns curregia il portal da cumparegliaziun però sia prognosa.

L'emna che vegn publitgescha l'Uffizi federal da sanadad las premias da cassas da malsauns uffizialas per il 2017.

RR novitads 08:00