Las dunnas restan en dischavantatg pertutgant las rentas. Sch'ellas survegnan insumma ina renta da la cassa da pensiun è quella en media in terz pli bassa che quella dals umens. Questa «Gender Pension Gap», pia la differenza tranter las schlattainas, sa reduceschia plaunet, na svaneschia dentant betg en in temp previsibel, resulta d'in studi da l'assicuranza Swiss Life.
Il pli grond è la differenza tar las dunnas maridadas. Quellas hajan dentant mo per part da cumbatter perquai ch'ellas furmian ensemen cun lur partenari ina unitad economica. Difficila saja la situaziun tar la prevenziun da vegliadetgna surtut per dunnas giuvnas che vivan en concubinat e che s'occuppan primarmain da l'educaziun dals uffants.
Ord l'Archiv:
L'AVS, la cassa da pensiun e la prevenziun libra duain segirar nus finanzialmain en la pensiun. Quai principi da 3 pitgas exista en Svizra dapi il 1972 – il Co e cum è sa fatschentà cun quest principi.
RTR novitads 10:00