La procura publica da l’Argovia ha confermà ch’i na dettia il mument nagins ulteriurs indizis per abus sexuals cunter giuvenils ni uffants tras l’um accusà en il quatterdubel murdraretsch da Rupperswil.
Aifer ils proxims dis ed emnas vegnia quai a dar investigaziuns extendidas dal conturn da l’inculpà. En connex cun las investigaziuns vegnian uss er ils clubs da ballape interrogads, nua che l’um svizzer da 33 onns che ha confessà era trenader e coordinatur d’equipas da juniors, communitgescha la procura publica.
La procura publica vegn ad incumbensar in’expertisa psichiatrica dal delinquent ch’ha confessà. Quella duai sclerir il privel recidiv e la responsabladad penala.
RR novitads 16:00