Siglir tar il cuntegn
Inhalt

Svizra Cas Geri Müller - "Nova qualitad da surpassament"

18 parlamentaris da la chasa federala da praticamain tut las fracziuns han inoltrà in recurs al cussegl da pressa.

Geri Müller
Legenda: La sfera privata ed intima da persunas publicas (sco p.ex. politichers) duai esser protegida sco quella dad auters carstgauns Reuters

Il recurs sa drizza encunter la publicaziun dal cas "Geri Müller e ses selfies" en la gasetta "Schweiz am Sonntag". Ils politichers èn dal maini che la sfera privata ed intima dals politichers duai esser protegida medem sco quella dad auters carstgauns.

Quei fatg saja vegnì blessà a moda gravanta en il cass "Geri Müller", uschia fan a savair ils parlamentaris. I n'haja dà nagin motiv schurnalistic da betg resguardar la sfera privata ed intima da Müller. L'artitgel mussia ina "nova qualitad da surpassament da la sfera intima d'ina persuna publica". Quai na dastgia betg esser l'avegnir da la libertad da medias manegian ils recurrents.

Tranter quests èn ils cussgliers dals chantuns Hans Altherr PLD/AR e Claude Janiak PS/BL, il president da la PCD e cusseglier naziunal Christophe Darbellay, sco er amis da partida da Müller.

(RR novitads a las 12:00)