Siglir tar il cuntegn
cuntegn

Svizra Cas da demenza creschan en Svizra

Bunamain mintga segunda persuna en Svizra pudess s'imaginar da far suicidi sch'ella survegniss la diagnosa demenza.

In pazient va maun en maun cun in tgirader tras il suler d'ina clinica da demenza
Legenda: Adina dapli persunas en Svizra pateschan da demenza Keystone

43% dals dumandads pudessan s'imaginar da far fin cun lur vita sch'els fissan pertutgads da demenza. Quai mussa ina retschertga represchentativa per incumbensa da la Schweizer Illustrierte. Surtut las dunnas han tema da la demenza. 39% da las dunnas dumandadas han tema da survegnir Alzheimer ubain in'autra furma da demenza. Tar ils umens èn quai mo 28%.

Pli positiv vesan ils giuvens il tema. Quasi 70% da las persunas tranter 15 e 34 onns pon s'imaginar ch'ina vita cun demenza merita d'esser vivida. Cun la vegliadetgna crescha dentant la sceptica. Tar las persunas sur 55 onns crai mo anc la mesadad ch'ina tala vita valia la paina da viver.
RR novitads 11:00