Siglir tar il cuntegn

Header

Navigaziun

Ina mamma cun in uffant.
Legenda: Mintga 12avla famiglia cun 3 u dapli uffants viva en povradad. Tar persunas ch’educheschan sulettas èsi mintga 6avla. Keystone
cuntegn

Svizra Caritas appellescha da cumbatter la povradad en Svizra

Radund in quart milliun geniturs ed uffants en pertutgads da povradad en Svizra. Quai scriva Caritas Svizra en ses ultim rapport.

L’organisaziun pretenda dal parlament da far dapli per evitar questas circumstanzas.

Hugo Fasel, il directur da Caritas Svizra.
Legenda: Hugo Fasel, il directur da Caritas Svizra. Keystone

Impedir enstagl da producir povradad

Enstagl da producir povradad, duaja il plaun federal impedir la povradad, ha ditg Hugo Fasel, il directur da Caritas Svizra.

En la nova perioda da legislatura vegnia Caritas a s’engaschar per che la dumonda da povradad daventia in punct central da la politica sociala en Svizra.

Als chantuns mancan strategias per il cumbat cunter la povradad

Il rapport da l’organisaziun sa basa sin ina retschertga en ils chantuns. Tenor quel enconuschian mo paucs chantuns ina politica da famiglia che cumbattia sistematicamain la povradad.

Sulettamain il chantun Berna haja in document strategic davart la politica da famiglia ord ina perspectiva da povradad. Ils chantuns Giura e Friburg sajan londervi d’elavurar ina strategia.

RR novitads 11:00