Siglir tar il cuntegn
cuntegn

Svizra Candidatura ord la Svizra tudestga per il sez da Burkhalter

La cussegliera dals chantuns liberaldemocrata, Karin Keller-Sutter, vul ina candidatura ord la Svizra tudestga per la successiun da cusseglier federal Didier Burkhalter.

Karin Keller-Sutter durant la sessiun da stad. Ella sezza n'ha naginas ambiziuns sin il sez da Didier Burkhalter.
Legenda: Karin Keller-Sutter durant la sessiun da stad. Ella sezza n'ha naginas ambiziuns sin il sez da Didier Burkhalter. Keystone

Ina persuna ord la Svizra tudestga pudess tenor Karin Keller-Sutter declerar meglier la politica d'Europa. Quai ha la cussegliera dals chantuns ditg en la Samstagsrundschau da radio SRF. Tenor sia partida, la PLD, duai dentant ina candidatura ord la Svizra latina avair precedenza per la successiun da Didier Burkhalter.

Karin Keller-Sutter crititgescha er l'entir Cussegl federal ch'el n'haja betg communitgà bain quai che pertutga il dossier d'Europa, ma er auters. Ins sentia ch'il Cussegl federal na sa prendia betg ensemen e represchentia ina posiziun communabla tar dumondas impurtantas.

La cussegliera dals chantuns sezza n'ha naginas ambiziuns sin il sez da Didier Burkhalter. Ella haja gia empruvà quai l'onn 2010 ed i na saja betg reussì. Las constellaziuns na sajan dapi lura betg sa midadas.

RR novitads 14:00