Siglir tar il cuntegn
cuntegn

Svizra Camiun da militar cupitgà a Sviz

D'in accident cun in camiun da militar a Sviz èn 10 persunas vegnidas blessadas lev fin mezgrev oz avantmezdi.

Camiun da militar cupitgà. 2 persunas èn en schanuglias dasper il camiun.
Legenda: Tar l’accident cun in camiun da militar èn sa blessadas pliras persunas. Keystone

Tenor la giustia militara n'è tras l'accident nagin en privel da vita. Sco quai ch’il pledader da la polizia ha ditg èn pliras ambulanzas ed in helicopter stads en acziun.

Pertge che l'accident è capità na san ins anc betg.

Il vehichel - in Duro da pliras tonnas - ha surpassà in'insla, derschì in candelaber, rut atras ina saiv, è cupitgà pliras giadas e sa tschentà sin il tetg.

Schuldads vegnan tractads psicologicamain.

RR novitads 14:00