Siglir tar il cuntegn

Header

Navigaziun

Cusseglier federal Didier Burkhalter
Legenda: Cusseglier federal Didier Burkhalter prenda posiziun tar il decret dispitaivel dal president american. Keystone
cuntegn

Svizra Burkhalter tegna pauc dal decret da Trump

Cusseglier federal Didier Burkhalter ha pauc chapientscha per il scumond d'entrar per muslims che vulan viagiar en ils Stadis Unids. El discurra d'in pass en la direcziun fallada.

La mesira cuntrafetschia al dretg internaziunal, crititgescha Burkhalter en ina reacziun publitgada dal Departament d'affars exteriurs. La Svizra saja pronta da s'engaschar per ils dretgs da persunas svizras pertutgadas dal scumond. Quai pertutgia cunzunt persunas che hajan dasper la naziunalitad svizra era il dretg burgais d’in dals pajais pertutgads dal decret.

Burkhalter dumonda respect

Ils Stadis Unids sajan libers da fixar las cundiziuns per entrar en lur pajais, hai num en la communicaziun. Per la Svizra saja il cumbat cunter il terrorissem era impurtant. Las mesiras duvradas stoppian dentant respectar ils dretgs fundamentals sco era il dretg internaziunal.

Dretgira fraina Trump

Il venderdi aveva il president american decretà da betg pli laschar entrar en il pajais fugitivs sco era burgais da set pajais muslims. Entant ha ina dretgira a New York abolì ina part dal decret.

RR novitads 18:00