Svizra - Burkhalter relativescha termin per realisar iniziativa da massa
Il Cusseglier federal Didier Burkhalter vesa la realisaziun da l'iniziativa d'immigraziun da massa sin buna via. Dentant relativescha el il termin da trais onns per realisar l'iniziativa, sco quai ch'el ha inditgà envers la gasetta «Blick».
I saja pli impurtant da chattar ina buna schliaziun che d'observar il termin d'exact trais onns. Ils 18 mais che restian per realisar l'iniziativa, stuessian en sasez tanscher. Sch'i saja dentant necessari da surtrair il termin per in mais, sche vegnia quai er a capitar.
