Siglir tar il cuntegn

Header

cuntegn

Svizra Burkhalter fa visita a Cuba

Il minister da l'exteriur Didier Burkhalter viagiescha mez avust per ina visita uffiziala en la Cuba. Quai sco emprim Cusseglier federal insumma.

Burkhalter suondia uschia in’invitaziun da ses collega d'uffizi american John Kerry, ha ditg in pledader dal Departament federal da l'exteriur.

La raschun da la visita è la reavertura uffiziala da l'ambassada americana a Havanna. La fin da fanadur era gia l'ambassada cubana a Washington vegnida averta. Pervi dal temp da glatsch diplomatic tranter ils Stadis Unids e la Cuba ha la Svizra represchentà ils ultims decennis ils interess dals pajais en l'autra chapitala.

RR novitads 12:00

Artitgels legids il pli savens