Siglir tar il cuntegn
Inhalt

Svizra Burkhalter e Lawrow: «Betg perina en tut ils puncts»

Il minister da l’exteriur Didier Burkhalter è s’inscuntrà cun ses collega d’uffizi russ Sergej Lawrow tar ina visita uffiziala a Moscau. Latiers èsi vegnì discutà davart plir dossiers: La Siria, l’Ucraina, la Georgia, il Caucasus dal Sid ed il cumbat cunter il terror.

Didier Burkhalter e Sergej Lawrow tar lur inscunter.
Legenda: Didier Burkhalter e Sergej Lawrow han er discurrì davart dumondas internaziunalas actualas. Keystone

«Nus n’essan betg vegnì perina en tut ils puncts», ha ditg Burkhalter a la conferenza da medias suenter l’inscunter. Las discussiuns ed il dialog sajan però stads solids, constructivs e positivs. Ins haja discurrì davart las chaussas che funcziunan, però er davart puncts da dispita.

Relaziuns bilateralas en il center

En il center dals discurs sajan stadas las relaziuns bilateralas tranter la Svizra e la Russia, uschia Burkhalter. Plinavant sajan ins sa barattads davart las differentas opiniuns en las dumondas internaziunalas actualas. L’ultim inscunter uffizial sin basa dals ministers è stà ils 12 d’avrigl 2013. Lura eran Burkhalter e Lawrow s’inscuntrads a Neuchâtel.

RR novitads 16:00