Siglir tar il cuntegn
cuntegn

Svizra Buob sparì è mort

En la regiun da la Riggisalp en in territori muntagnard mal accessibel è il buob da 13 onns vegnì chattà mort.

La persuna che ha chattà il buob ha alarmâ la Rega (maletg da simbol).
Legenda: La persuna che ha chattà il buob ha alarmà la Rega (maletg da simbol). REGA

Sco la polizia dal chantun Fribourg scriva, saja il buob vegnì chattà d'ina terza persuna en la regiun da la Riggisalp en in territori muntagnard mal accessibel. La persuna ch'ha chattà il buob haja alarmà ier tard suentermezdi la Rega. La bara è vegnida salvada cun in helicopter.

Il buob è vegn annunzià sco sparì da sia mamma dumengia, ils 22 da schaner 2017. Silsuenter han las autoritads instradà ina gronda tschertgà. En la regiun dal Schwarsee nua ch'il buob è sparì han 90 polizists e 23 salvaders alpins tschertgà il buob. Ultra da quai han sfunsaders da la polizia controllà la riva dal Schwarzsee.

La raschun da la mort dal buob sto anc vegnir intercurida.

RR actualitad 12:00