Siglir tar il cuntegn

Header

cuntegn

Svizra Bunas perspectivas per l’economia svizra

Il mument ha la conjunctura en la Svizra bun schlantsch. Il barometer da conjunctura dal KOF è creschì l'october per la segunda giada marcantamain. Cun 109,1 puncts è il barometer uschè aut sco l'ultima giada il settember 2010.

Ils signals positivs ils pli ferms derivan da las bancas e da l'industria elavuranta. Quai communitgescha il Post da perscrutaziun da la conjunctura KOF da l’ETH Turitg. Dentant er las perspectivas per l'export e la gastronomia sajan pli favuraivlas che fin uss.

In svilup betg uschè bun vesa il Post da perscrutaziun da la conjunctura per il consum entaifer la Svizra. E plinavant hajan ils indicaturs per il svilup da l’economia da construcziun laschà suenter in zic.

RR novitads 12:00

Artitgels legids il pli savens