Siglir tar il cuntegn

Svizra Bunas notas per il traffic public regiunal

La qualitad dal traffic regiunal en Svizra è en general auta, a questa conclusiun vegn in'examinaziun da l'Uffizi federal per il traffic.

Endadens in tren dal Thurbo
Legenda: Per gronda part è il traffic regiunal en Svizra da buna qualitad. Keystone

Sco bun vegnia surtut valità la curtaschia e la cumpetenza dal persunal tar il traffic da bus e l'urden en ils trens. Betg suffizient saja per part la qualitad tar la schubradad e l'infurmaziun dals clients. L'Uffizi federal per il traffic crititgescha surtut ch'i manca savens las annunzias da las proximas fermadas tar il traffic da bus e la schubradad da las fanestras.

Avant dus onns ha l'uffizi lantschà in sistem da mesirar la qualitad dal traffic public regiunal. Uss datti per l'emprima giada resultats per in entir onns. Il rapport mussa ch'i dat cunzunt grondas differenzas tranter las diversas regiuns 41% da las interpresas n'adempleschan betg las pretensiuns minimalas tar las fermadas da tren u bus.

RR novitads 15:00