Siglir tar il cuntegn

Svizra Bunas fatschentas entras medicaments cunter cancer

Il concern farmazeutic da Basilea, Roche, ha pudì augmentar la svieuta en l'emprim quartal per 5% sin 9,8 milliardas francs.

Purtret dal bajetg da la firma Roche a Basilea
Legenda: Roche fa bunas fatschentas Keystone

Sco quai che Roche scriva hajan surtut ils medicaments cunter cancer ed ils medicaments en la sparta immunologia contribuì al creschament. Roche ha surpassà las spetgas dals analists. En la sparta pli pitschna Diagnostics è la svieuta creschida per 4%. Sur tut las spartas ora ha Roche fatg dal schaner fin il mars ina svieuta dal concern da 12,4 milliardas francs.

Il concern quinta er vinavant cun in creschament. La dividenda per il 2016 duai vegnir augmentada tenor pussaivladad, ha Roche annunzià.

RR novitads 9:00