Entras dapli da giasts er la svieuta da transport s’augmentada. Quella noda en cumparegliaziun cun la stad passada 12.8% dapli. Quai resorta dal monitoring da stagiun da las Pendicularas Svizras.
Marcantamain sur il nivel da l'onn passà èn las pendicularas en la Part sura bernaisa cun 22% dapli giasts, il Tessin(+18.7% giasts) e la Svizra centrala (+15.8% giasts). Il Grischun ha nudà in augment da giasts da 10%. La svieuta da transport è s’augmentada en il chantun per 12.8% cumpareglià cun la stad 2016.
Bun’entschatta da la stagiun
Grazia a la buna e chauda aura da primavaira saja cunzunt l’entschatta da la stagiun stada gartegiada. La fin zercladur mussavan las cifras da giasts in plus da 33.9%, la svieuta in plus da 23.6%.
RR novitads 12:00