Siglir tar il cuntegn
cuntegn

Svizra Buna partenza en l'onn per Swisscom

Tar ina svieuta stabila ha il pli grond concern da telecommunicaziun da la Svizra gudagnà dapli l'emprim quartal. Sut il stritg noda Swisscom in gudogn net da 364 milliuns francs, quai èn 3,7% dapli che l'onn avant. Sco motiv principal per quai numna il concern ils custs pli bass.

logo da la Swisscom
Legenda: L'emprim quartal ha Swisscom fatg ina svieuta da 2,9 milliardas francs. Keystone

L'onn avant hajan er las perditas da valutas engrevgià il resultat. L'euro n'è betg pli uschè flaivel envers il franc sco anc l'entschatta dal 2015. La svieuta da la Swisscom è sa reducida per 0,3% sin 2,885 milliardas francs.

RR novitads 8:00