Siglir tar il cuntegn
Inhalt

Svizra Bun schaner per las Pendicularas svizras

Uschia nodan ellas en schaner in surpli da 3,1% da giasts e da 3,2% da transports en cumparegliaziun cun l’onn avant. Quai mussa il monitoring da las Pendicularas Svizras.

la pendiculara Diavolezza.
Legenda: Er il Grischun noda tenor quest monitoring in plus da 8,8% dapli giasts e da 5,3% dapli svieuta da transport. Keystone

Suenter la partenza nauscha en la stagiun d’enviern nodan las Pendicularas Svizras il schaner buns resultats. Naiv fin giu en la Bassa e temperaturas fraidas hajan procurà per dapli traffic sin las pistas, scrivan las Pendicularas Svizras. Grazia a las navadas dals ultims dis sajan er las previstas per il temp da vacanzas da sport fitg bunas.

Tuttina sa sviluppan las cifras da regiun a regiun fitg differentamain – uschia noda per exempel il Tessin quasi in plus da 98%. Ed era il Grischun noda tenor quest monitoring in plus da 8,8% dapli giasts e da 5,3% dapli svieuta da transport.

Ils perdiders en cumparegliaziun cun l’onn avant èn las destinaziuns en la Surselva Bernaisa, en il Vad ed il chantun Friburg.

RR novitads 12:00