Siglir tar il cuntegn

Header

cuntegn

Svizra Bun onn per las cassas da pensiun

Il 2017 han ellas prest dublegià la rendita da la facultad netta sin 6,9 pertschient.

Quai en emprima lingia pervia da las bunas fatschentas a las bursas d'aczias. Sco consequenza hajan las cassas pudì augmentar lur grad da garanzia. Uschia la cumissiun per la surveglianza suprema per la prevenziun professiunala a sia infurmaziun il mardi a Berna.

Tschains anc adina memia auts

Malgrà quest svilup positiv dettia dentant anc adina in problem tar ils tschains. Er sche bleras cassas da pensiun hajan ils davos onns sbassà il tschains per il chapital spargnà è quel anc adina pli auts ch'il uschenumnà tschains tecnic. Quel reflectescha il svilup dal martgà da finanzas dals ultims decennis ed è la mesira per calcular sche las rentas actualas e futuras èn garantidas u betg.

Buns resultads – tuttina stoppia la situaziun vegnir equilibrada

Restia la situaziun sin il martgà da finanzas uschia sco uss stoppian intginas cassas da pensiun prender a mauns mesiras per augmentar lur chapital, avertescha la cumissiun. Ed ella appellescha a la politica da far enavant cun la refurma da la prevenziun per la vegliadetgna, per ch'il sistem vegni puspè en equiliber.

audio
Mezdi: I vegn critic per las chaschas da pensiun
ord Actualitad dals 08.05.2018.
laschar ir. Durada: 51 Secundas.

RR novitads 12:00+

Artitgels legids il pli savens