Siglir tar il cuntegn
Inhalt

Svizra Bun curs per il franc svizzer

In euro custa in franc e 15. Usche bler sco daditg betg pli. In bun segn per il turissem svizzer.

Dapi il 2015 n'è il franc svizzer mai stà uschè flaivel sco il mument envers l'euro.
Legenda: Dapi il 2015 n'è il franc svizzer mai stà uschè flaivel sco il mument envers l'euro. Keystone

Ils davos dis ha il franc svizzer pers marcantamain valur envers las munaidas currentas. Suenter che la bursa svizra ha gì serrà gievgia custava in euro in franc e 15. Quai è la valita la pli auta dapi ch'il curs maximal envers l'euro è vegnì schlià il schaner 2015 da la Banca naziunala svizra.

Turissem po far speranza

Blers experts quintan ch'il franc svizzer resta era vinavant flaivel il proxim temp. Quai che vegniss da bun per exempel al turissem. Quel sa lamenta adina puspè pervia dal ferm franc svizzer. Ussa è quel main ferm e pudess gidar a reacquistar ils giasts da l'Uniun europeica.

RR novitads 21.00