En cumparegliaziun cun l’onn avant è quai in augment da 42%. Cumpareglià cun la media sur 10 onns ora è quai in augment da 7%. La producziun è vegnida augmentada grazia a las bunas racoltas, scriva l’Administraziun federala d’alcohol. Il pli fitg creschida è la producziun da vinars da primblas e kirsch. Ils destillads ord da maila e paira è perencunter sa sminui. L’Administraziun da duana scriva che dapi ils onns 1930 saja anc mai vegnì brischà uschè pauc vinars ord da puma da minz.
Ils imports ed exports èn sa sminuids
Las spirituosas dal exteriur restan a la testa cun ina cumpart da 76%. Ils imports èn dentant sa sminuids l’onn passà per 2% sin radund 83’000 hectoliters alcohol schuber. Il plaz a la testa resta tar il Whisky, sche gie ch’ils imports da Whisky èn sa sminuids sin in nivel bass sco dapi il 2005 betg pli.
Ils exports da spirituosas è sa reduci en cumparegliaziun cun l’onn avant per 17%. Marcant sajan las reducziuns dals exports d’absint, scrivan ils experts. Las entradas da taglia sin spirituosas èn sa reducidas l’onn 2015 per 2% sin 278 milliuns francs.
RR novitads 14:00