Siglir tar il cuntegn

Header

Navigaziun

um che clappa in pugn
Legenda: L'acziun da Saas Fee ha procurà per ina discussiun animada tranter ils experts da pendicularas. RTR, Reto Mayer
cuntegn

Svizra Branscha n’è betg intgantada da l’acziun da Saas Fee

Al Forum da turissem han las pendicularas da Saas Fee preschentà per l’emprima giada resultats concrets davart lur acziun. Ils Vallesans avevan lantschà la vendita da cartas da stagiun per 222 francs. Sin l'emprim sguard è l’acziun stada in success.

Entaifer tschintg emnas ha Saas Fee vendì 90’000 carta da stagiun. Sper quai saja il resun en las medias naziunalas stà fitg grond, ha declerà Rainer Flaig, il delegà dal cussegl administrativ da las Pendicularas da Saas Fee. Grazia a l’acziun haja l’interpresa registrà 50% dapli emprimas entradas en il territori da skis.

Sche tuts fan quai, na funcziuneschi betg pli.
Autur: Adrian JordanDelegà Engadin Mountains SA

Pauc chapientscha

Malgrà las cifras positivas che las Pendicularas da Saas Fee han pudì preschentar al Forum da turissem a Längenfeld, eran ils pli paucs persvadids da l’idea. Cun acziuns sumegliantas na possia ins betg segirar las investiziuns a lunga vista, han suttastritgà plirs exponents da pendicularas en las Alps.

Acziun vegn ad influenzar ils pretschs

Tenor Roland Zegg, expert da pendicularas, ha Saas Fee dà il tun da partenza per in svilup areguard il segment da pretschs tar las pendicularas. Cun acziuns sumegliantas vegnia il pretsch a variar adina dapli tenor la dumonda.

Per Rainer Flaig è l’acziun da Saas Fee in’istorgia da success. El è persvadì d’avair chattà ina buna soluziun per attrair dapli skiunzs sin pista.

RR actualitad 17:00