Siglir tar il cuntegn
Inhalt

Svizra Branscha da chaschiel: exportà ils emprims sis mais damain

En tut ha la Svizra exportà l’emprim mez onn 31'879 tonnas chaschiel. Quai èn 0.2% pli pauc ch'il medem temp da l’onn avant. En spezial sajan ils exports da sorts enconuschentas sco l’Emmentaler sa reducìds.

Producziun d'ina roda chaschiel d'Emmentaler.
Legenda: L’Emmentaler n’a betg pudì mantegnair sia buna posiziun sin il martgà da chaschiel. Keystone

Dal chaschiel Emmentaler ha la Svizra exportà bunamain nov pertschient damain l’emprim mez onn che anc il medem temp il 2016, quai communitgescha l'interpresa da marketing per il chaschiel svizzer. Pli exact sajan 509 tonnas Emmentaler damain idas en l'exteriur. Pli che la mesadad da questa perdita giaja sin il quint da l'Italia, ch’è il martgà da vendita principal da l'Emmentaler.

Dentant era d'ulteriuras sorts enconuschentas da chaschiel sco il Gruyère e l'Appenzeller ha la Svizra exportà damain l'emprim semester 2017.

RR novitads 15:00