Svizra - Bortoluzzi desista sin ulteriura candidatura
Il politicher da la PPS Toni Bortoluzzi desista ussa tuttina dad ina ulteriura candidatura per il Cussegl naziunal. Il Turitgais da 68 onns ha confermà in rapport dal «Anzeiger Bezirk Affoltern».
Bortoluzzi politisescha gia dapi 24 onns en la chombra gronda. Il schaner aveva el anc declerà ch'el candideschia anc ina giada l'atun. Da la garda veglia da la PPS Turitg è Bortoluzzi suenter Max Binder il segund che na candidescha betg pli. Hans Fehr perencunter ha annunzià da vulair candidar anc ina giada.
